Bhimalapuram.co.in
అన్నమాచార్య కీర్తనలు -411
అన్నియు నీతనిమూల మాతఁడే మాపాలఁ జిక్కె
రాగము: మాళవిగౌళ
అన్నియు నీతనిమూల మాతఁడే మాపాలఁ జిక్కె | |
కన్నుల మా వేడుకకు కడయేది యిఁకను | ॥పల్లవి॥ |
కామధేనువు గలి(గి?)తే గర్వించు నొక్కరుఁడు | |
భూమి యేలితే నొకఁడు పొదలుచుండు | |
కామించి నిధి గంటె కళలమించు నొకఁడు | |
శ్రీమంతుఁడగు హరి చిక్కె మాకు నిదివో | ॥అన్ని॥ |
పరుసవేదిగలి(గి?)తే పంతములాడు నొకఁడు | |
ధరఁ జింతామణబ్బితే దాఁటు నొకఁడు | |
సురలోక మబ్బితేను చొక్కుచునుండు నొకఁడు | |
పరమాత్ముఁడే మా పాలఁ జిక్కెనిదివో | ॥అన్ని॥ |
అమృతపానము సేసి యానందించు నొకఁడు | |
భ్రమను దేహసిద్ధిఁ బరగొకఁడు | |
తమి శ్రీవేంకటేశుఁడే దాఁచిన ధనమై మాకు | |
అమరి నా మతిఁ జిక్కె నడ్డములే దిదివో | ॥అన్ని॥ |
కీర్తన విభాగము ఆంగ్లము తెలుగు తెలుగులిపిలేదు