Bhimalapuram.co.in
అన్నమాచార్య కీర్తనలు -518
అప్పటి మాతోడి పొందు లాసపడేవు
రాగము: దేసాళం
అప్పటి మాతోడి పొందు లాసపడేవు | |
కప్పరము నీ వియ్యఁగా కాదు గూడదనేమా | ॥పల్లవి॥ |
జంకెన చూపులఁ జూచి జాజరపాటలు వాడి | |
అంకెలకుఁ దెచ్చుకొనె నాపె నిన్నును | |
కుంకుమ గుబ్బలు సోఁక కొనగోరఁ గొప్ప దువ్వి | |
కొంకక యిన్నిటా దక్కఁగొనెఁ గదవయ్యా | ॥అప్ప॥ |
సెలవుల నవ్వు నవ్వి చేతులు నీపైఁ జాఁచి | |
వలపించుకొనెఁగా వనిత నిన్ను | |
సొలపుల మాటలనే చుట్టరికములు సేసి | |
యెలమి నిన్నింత యెలయించెఁగదవయ్యా | ॥అప్ప॥ |
విడెము చేతికిచ్చి వేమారు సరసమాడి | |
వాడికె సేసుకొనెను వైపుగా నిన్ను | |
యీడనె శ్రీవేంకటేశ యేలితివి నన్ను నేఁడు | |
జాడతోఁ దా నీపై సేస చల్లెఁగదవయ్యా | ॥అప్ప॥ |
కీర్తన విభాగము ఆంగ్లము తెలుగు తెలుగులిపిలేదు