Bhimalapuram.co.in
అన్నమాచార్య కీర్తనలు -543
అప్పుడుగాని తలఁపు అలవాటై వుండదు
రాగము: బౌళి
అప్పుడుగాని తలఁపు అలవాటై వుండదు | |
వుప్పతిల్లు తత్త్వజ్ఞానికి వూహింపుచు నుండఁగవలెను | ॥పల్లవి॥ |
సాలీని మతి పడుగు చరిసేసే యందే యుండు | |
గాలిపు బెండుపై వేఁటకాని కుండును | |
వాలాయించి దృష్టి వింటివానికి గుఱిపై నుండు | |
యీ లీల తత్త్వజ్ఞానికి యెచ్చరికై యుండవలెను | ॥అప్పుడు॥ |
దున్నేవానికి మనసు తొలుతఁ జాలుపై నుండు | |
పన్ని జూజరికి నాటపై నుండును | |
సన్నలఁ గోమటిచూపు సరకులపై నుండు | |
యెన్నఁగాఁ దత్త్వజ్ఞానికి యెచ్చరికై యుండవలెను | ॥అప్పుడు॥ |
భూమిలో దొంగకు చింత పొద్దు పైనే వుండు | |
కాముకుని తలపోఁత కాంతపై నుండు | |
ఆముకొని శ్రీవేంకటేశుఁ డంతరాత్మయై యుండును | |
సాముగా తత్త్వజ్ఞానికి సాధింపుచు నుండవలెను | ॥అప్పుడు॥ |
కీర్తన విభాగము ఆంగ్లము తెలుగు తెలుగులిపిలేదు