Bhimalapuram.co.in
అన్నమాచార్య కీర్తనలు -587
అప్పఁడైన హరి యెక్కె నదివో తేరు
రాగము: పాడి
అప్పఁడైన హరి యెక్కె నదివో తేరు | |
యిప్పుడు తిరువీధుల నేఁగీ తేరు | ॥పల్లవి॥ |
సముద్రాలమీఁదఁ దోలె సర్వేశ్వరుఁడు తేరు | |
భ్రమయ జరాసంధుపైఁ బరపెఁదేరు | |
తిమురుచు రుక్మకుపైఁ దిరుగఁ దోలెఁ దేరు | |
ప్రమదాన సృగాలునిపైఁ దోలెఁ దేరు | ॥అప్ప॥ |
కమ్మి యక్రూరుఁడు దేఁగా కంసునిపై నెక్కెఁ దేరు | |
బమ్మరపో దంతవక్త్రుపైఁ దోలెఁ దేరు | |
దుమ్ములుగా సాల్వునిపై దొడ్డగాఁ దోలినతేరు | |
దొమ్మి రుక్మిణిపెండ్లికిఁ దోలినట్టితేరు | ॥అప్ప॥ |
విూఱి హంసడిచికులమీఁదఁ దోలినట్టితేరు | |
తూఱి సంధిమాటలకుఁ దోలినతేరు | |
అఱడి శ్రీవేంకటేశుఁ డలమేలుమంగఁ గూడి | |
చూఱలుగొన నెక్కెను శోభనపుతేరు | ॥అప్ప॥ |
కీర్తన విభాగము ఆంగ్లము తెలుగు తెలుగులిపిలేదు