Bhimalapuram.co.in
అన్నమాచార్య కీర్తనలు -675
అలయించకురే నన్ను నండనున్న చెలులాల
రాగము: కన్నడగౌళ
అలయించకురే నన్ను నండనున్న చెలులాల | |
చెలువుఁ డీడకుఁ దా విచ్చేసు దాఁకాను | ॥పల్లవి॥ |
మనసెక్కడనో వుంది మాటలఁ బెట్టకురే | |
ఘనుఁడు నారమణునిఁ గన్న దాఁకాను | |
తను వెక్కడనో వుంది దగ్గరి పిసుకకురే | |
గొనకొని యాతఁడు నేఁగడుదాఁకాను | ॥అల॥ |
నగ వెక్కడనో వుంది నను వేగిరించకురే | |
మొగి నాతని నాచెయి మోచుదాఁకాను | |
పగ టెక్కడనో వుంది బలిమి సేయకురే | |
జిగి నాతఁడు నా చేతఁ జిక్కుదాఁకాను | ॥అల॥ |
పాయ మెక్కడవో వుంది భ్రమలఁ బెట్టుకురే | |
యీయడ నాతఁడు మంచ మెక్కుదాఁకాను | |
పాయక శ్రీవేంకటాద్రిపతి నన్ను నిటు గూడె | |
మోయనాడకురే వీని మొక్కించుదాఁకాను | ॥అల॥ |
కీర్తన విభాగము ఆంగ్లము తెలుగు తెలుగులిపిలేదు