Bhimalapuram.co.in
అన్నమాచార్య కీర్తనలు -700
అలుగను సేయను ఆరడి నేల పెట్టీనే
రాగము: ఆహిరి
అలుగను సేయను ఆరడి నేల పెట్టీనే | |
చెలియ నీవైనా బుద్ది చెప్పవే యీతనికి | ॥పల్లవి॥ |
మోము దప్పక చూచితి ముచ్చటతో నవ్వితి | |
ప్రేమముతో మాఁటలాడి పీఁట వెట్టితి | |
కామించి తా వేఁడుకొంటే కానిమ్మని ఇయ్యకొంటి | |
యేమిసేయుమనీనే యింకాఁదాను | ॥అలు॥ |
వీడెము చేతికిచ్చి వెసఁ బానుపు వేసితి | |
పాడి పాడి వేగినంతా పదా లొత్తితి | |
వాడుదేర నిట్టె యాలవట్టమూను విసరితి | |
యీడువెట్టుకొని యింకా నెంత వేఁడుకొనీనే | ॥అలు॥ |
చేతులెత్తి మొక్కితి సేవలెల్లాఁ జేసితి | |
కాతరాన నిమ్మపండు కానుకిచ్చితి | |
యీతల శ్రీవేంకటేశుఁ డిన్నిటాను నన్నుఁగూడె | |
యేతులు నే నెరఁగను యేల రట్టు సేసీనే | ॥అలు॥ |
కీర్తన విభాగము ఆంగ్లము తెలుగు తెలుగులిపిలేదు