Bhimalapuram.co.in
అన్నమాచార్య కీర్తనలు -719
కర్త :: తాళ్లపాక అన్నమాచార్య
రాగము: పాడి
అల్లవాఁడె భావించరె అంగన లిందరుఁ గూడి | |
వుల్లములో తనమాయ లుబ్బెనో శ్రీహరికి | ॥పల్లవి॥ |
నేలా మిన్నుఁ గొలవఁగ మిన్నేటినురుగు | |
ఆలరి యీహరిమేన నంటుకొనెనో | |
పాలవెల్లి తచ్చఁబోఁగాఁ బైఁబడెనో తుంపురులు | |
మేలిమి కప్పురకాపు మెత్తిరో యీహరికి | ॥॥ |
చిత్తగించి రేపల్లెఁ జీఁకటితప్పు సేయఁగా | |
అత్తల చీఁకటినలు పంటుకొనెనేమో | |
వొత్తి కరిఁ గావబోఁగా నొలికెనో పై మదము | |
మొత్తమిఁ బుళుగుకాపు ముంచిరో శ్రీహరికి | ॥॥ |
అలమేలుమంగఁ దెచ్చి అఱుతఁ గట్టుకొనఁగా | |
పొలసి నవరసాలుఁ బొడచూపెనో | |
నెలవైన సొమ్ములెల్లా నిండుకొనె మేననెల్లా | |
అలరి శ్రీ వేంకటాద్రి నందమైనహరికి | ॥॥ |
కీర్తన విభాగము ఆంగ్లము తెలుగు తెలుగులిపిలేదు