Bhimalapuram.co.in
అన్నమాచార్య కీర్తనలు -755
అవునయ్యా దొరవౌదు వన్నిటా నీవు
రాగము: ముఖారి
అవునయ్యా దొరవౌదు వన్నిటా నీవు | |
వివరముతోడి నన్ను వీరిడిఁ జేసేవు | ॥పల్లవి॥ |
యెవ్వతెనో సరివెట్టేవేఁటికి నాతోఁ జలము | |
పువ్వువంటి మనసిట్టె పూఁపసేసేవు | |
జవ్వనమదముతోనే సరినన్నుఁ జేరితేను | |
నవ్వులనె పొద్దువుచ్చి నాలిసేసేవు | ॥అవు॥ |
యెక్కడికైనాఁ బిలిచేవెగసక్కె మెంత నీకు | |
లక్కవంటి వలుపేల వుక్కుసేసేవు | |
లెక్కలేని యాసతోడ తెమ్మని నేఁగొసరితే | |
జక్కవ చన్నులేముట్టి జాగుసేసేవు | ॥అవు॥ |
యెంతవడైనాఁ గూడేవేమి నేరుచుకొంటివి | |
వంతవంటి సిగ్గేఁటికి వాఁకసేసేవు | |
యింతలో శ్రీవేంకటేశ యిద్దరముఁ గూడితిమి | |
దొంతిమోవి తేనెలిచ్చి దొరఁజేసేవు | ॥అవు॥ |
కీర్తన విభాగము ఆంగ్లము తెలుగు తెలుగులిపిలేదు