Bhimalapuram.co.in
అన్నమాచార్య కీర్తనలు -886
అంతరంతకు గాలినణఁగునా యనలంబు
రాగము: శ్రీరాగం
అంతరంతకు గాలినణఁగునా యనలంబు | |
కాంత నిట్టూర్పులాఁకలి చెరిచెఁ గాక | ॥పల్లవి॥ |
కలువలూరక నీటఁ గందునా యెందైనఁ | |
జెలియకన్నీరిట్లఁ జేసెఁ గాక | |
జలజంబుపై వేఁడి చల్లునా రవి యిట్ల | |
నలఁచి మదనాగ్ని వదనము నొంచెఁగాక | ॥అంత॥ |
విరులకునుఁ దుమ్మిదలు వెరచునా యెందైన | |
మరుబాణముల నెరులు మలఁగెఁగాక | |
సరుస మంచునఁ దీగె వాడునా యెందైన | |
అరిది చెమటలనె దేహము నొగిలెఁ గాక | ॥అంత॥ |
కుముదహితుఁడెందైనఁ గూడునా జక్కవల | |
కొమరె గుబ్బలమీఁదఁ గూడెఁ గాక | |
తిమిరంబు తిమిరమునఁ దెమలునా యెందైన | |
రమణి వేంకటవిభుని రతిమఱపుగాక | ॥అంత॥ |
కీర్తన విభాగము ఆంగ్లము తెలుగు తెలుగులిపిలేదు