Bhimalapuram.co.in
అన్నమాచార్య కీర్తనలు -1015
అందుకేమి దోసమా అన్ని పనులునుఁ దేరీ
రాగము: దేసాళం
అందుకేమి దోసమా అన్ని పనులునుఁ దేరీ | |
చెందుచు నాచేఁతలెల్లాఁ జేసి చూపె నిఁకను | ॥పల్లవి॥ |
పానుపు పైఁ బవళించి పాదాలు నాపైఁ జాఁచి | |
మానలేక సతితోడ మాటలాడేవు | |
కానీరా నీతలపులు కానవచ్చె నాకు నేఁడు | |
నేనాపెఁ జెనకకుండా నెపము చేసితివి | ॥అందు॥ |
కోరి పచ్చడము గప్పి కుచములు నావి వట్టి | |
నారుకొన కాంతతోడ నవ్వు నవ్వేవు | |
నేరుతువౌరా మేలు నే నాపె దడవకుండా | |
వూరటగా నిదియొక వుపమ చేసితివి | ॥అందు॥ |
తెరలోననే వుండి తియ్యని నామోవి యాని | |
గరిమతో నంగనను కాఁగిలించేవు | |
యిరవై శ్రీ వేంకటేశ యే నాపెఁ గారించకుండా | |
సరవితో నిటువంటి చందము చేసితివి | ॥అందు॥ |
కీర్తన విభాగము ఆంగ్లము తెలుగు తెలుగులిపిలేదు