Bhimalapuram.co.in
అన్నమాచార్య కీర్తనలు -11973
కర్త :: తాళ్లపాక అన్నమాచార్య
రాగము: రామక్రియ
మగువ గుంపెన నీకు మంచిదాయను | |
తగవులఁ బెట్టఁగానే తమి రేఁగెను | ॥పల్లవి॥ |
చలము సాదించేనంటా సతి నిన్ను జంకించితే | |
చెలరేఁగి లోలోనిసిగ్గు దేరెను | |
బలిమి నీవు సేయఁ గాఁ బట్టిపెనఁగఁ జూచితే | |
యెలమిఁ జన్నులపై పయ్యద జారెను | ॥॥ |
తరితీపు సేసేనంటా తగుల మాటలాడితే | |
గొరబైనవలపు లుంకువలాయను | |
కెరలించేనంటా నిన్ను కెంగేలు వట్టితేను | |
సురతకాంక్షలకును చోటాయను | ॥॥ |
కడునలయించేనంటా కాఁగిట బిగించితేను | |
జడిగొన్న వేడుకలు సతమాయను | |
అడరి శ్రీ వేంకటేశ అలమేలుమంగ యిట్టె | |
కడఁగి వురమెక్కితేఁ గాణాచి ఆయను | ॥॥ |
కీర్తన విభాగము ఆంగ్లము తెలుగు తెలుగులిపిలేదు