Bhimalapuram.co.in
అన్నమాచార్య కీర్తనలు -11986
మగువరో యీగతినే మగని వలపించవే
రాగము: బౌళిరామక్రియ
మగువరో యీగతినే మగని వలపించవే | |
జిగి మఱవకుమీ నేఁ జెప్పిన యీ బుద్దులు | ॥పల్లవి॥ |
మనసు లెనసితేను మాటలెల్లాఁ జపులౌను | |
ననుపు గలిగితేను నవ్వులు వచ్చు | |
చనవుమెరసితేను సంగాతము లీడేరు | |
వినయము చూపితే వేడుకలౌఁ బొందులు | ॥మగు॥ |
అడియాసలు మించితే ఆయములు గరఁగును | |
యెడవాయకుండితేను హెచ్చు లంకెలు | |
వుడివోనిప్రేమలైతే వొనరుఁ దలపోఁతలు | |
అడరుఁ జుట్టరికములైతే నింపు లెసఁగు | ॥మగు॥ |
విచ్చన విళ్తైతేను వలెయుఁ దమకములు | |
ముచ్చటలు నెరపితే ముంచుఁ గళలు | |
ఇచ్చట శ్రీవేంకటేశుఁడేలే నిన్ను నింతలోనె | |
పచ్చిదేరఁ జెనకితిఁ బరగును రతులు | ॥మగు॥ |
కీర్తన విభాగము ఆంగ్లము తెలుగు తెలుగులిపిలేదు