Bhimalapuram.co.in
అన్నమాచార్య కీర్తనలు -12085
మనోభావకుఁడవు మగువ మిక్కిలి జాణ
రాగము: కన్నడగౌళ
మనోభావకుఁడవు మగువ మిక్కిలి జాణ | |
అనేక విన్నపము లందులోనే వున్నవి | ॥పల్లవి॥ |
వంచినరెప్పలవెంట వడిసిన కన్నీరు | |
కొంచక నీమీఁదఁ జెలి గోరఁ జిమ్మీని | |
యెంచి నీ విందాఁక రాక యింత నేసినయందుకు | |
పొంచి నీకు నక్కునఁ బోసి చూప వలదా | ॥మనో॥ |
సారె నాకొప్పువిరులు సరి నొక్కొక్కటే తీసి | |
దార దప్ప కుండ నిన్నుఁ దాఁక వేసీని | |
రా రమ్మనీ పిలువఁ బరా కై వుండినందుకు | |
వూర కుండి తనపాటు వొప్పగించ వలదా | ॥మనో॥ |
వెట్టఁ బొరలిన దై వెస నిన్నుఁ గాఁగిలించె | |
అట్టె తన అసురుసు రదె చూపీని | |
ఱట్టుగ శ్రీవెంకటేశ నెట్టనఁ గూడి తీడనె | |
దిట్టయి నీసేసినమేలు దిగఁ బోయ వలదా | ॥మనో॥ |
కీర్తన విభాగము ఆంగ్లము తెలుగు తెలుగులిపిలేదు