Bhimalapuram.co.in
అన్నమాచార్య కీర్తనలు -12154
మరుఁడు సేసిన మాయ మరి తెలియదు గాక
రాగము: కన్నడగౌళ
మరుఁడు సేసిన మాయ మరి తెలియదు గాక | |
సరవు లిద్దరివిని సరికి బేసాయనా | ॥పల్లవి॥ |
చనవు సేసుక నిన్ను సరిఁ గొంగు వట్టితిని | |
యెనసి యింత నేయ నీ యీడుదాననా | |
పెనఁగ కంతలో నీవు బెరసి లో నైతిని | |
ననిచి కరణ యింత నా మీఁద నుండెనా | ॥మరుడు॥ |
నవ్వు నేసుకొని నీపై నలిఁ జేయి వేసితిని | |
రవ్వ నిన్నింత నేయ బీరపుదొరనా | |
చివ్వన నీ వప్పటిని చేరి బత్తి సేసేవు | |
యివ్వల నీ మోహము నన్నింత దొడ్డ సేసెనా | ॥మరుడు॥ |
బలిమి సేసుక నే నీపయిఁ జేయి వేసితిని | |
కలసితి వింతేసికిఁ గలనా నేను | |
నెల వై శ్రీవెంకటేశ నీ వింకాఁ జెక్కు నొక్కేవు | |
సలిగె లిన్నియు నీవె సమ్మతించితివా | ॥మరుడు॥ |
కీర్తన విభాగము ఆంగ్లము తెలుగు తెలుగులిపిలేదు