Bhimalapuram.co.in
అన్నమాచార్య కీర్తనలు -12216
మఱివేళ లేదా మనసు నిలుపరాదా
రాగము: హిజ్జిజి
మఱివేళ లేదా మనసు నిలుపరాదా | |
గుఱిగా నిప్పుడే నన్నుఁ గూడఁగ వలెనా | ॥పల్లవి॥ |
చెఱఁగు మాసినదాన సిగ్గువడుచున్నదాన | |
జఱసి సరసమేల సారెనాడేవు | |
చిఱునవ్వుతో నుందాన చెమటచిత్తడిదాన | |
యెఱుఁగుదువన్నియును యేమి బాఁతి నేను | ॥మఱి॥ |
చెదరుఁ గురులదాన చేయత్తి మొక్కేదాన | |
అదనెఱఁగక యేల అంటవచ్చేవు | |
మదమొలికేటిదాన మాటున నుండేదాన | |
యిదివో యిట్టున్న దాన నేమిబాఁతి నేను | ॥మఱి॥ |
మంచముపైనున్న దాన మతిలో లోఁగేదాన | |
యించుకంతా సిబ్బితిలేకేల కూడేవు | |
మంచి శ్రీవేంకటేశ నీ మనసు చూచినదాన | |
యేంచక నన్నేలితివి యేమిబాఁతి నేను | ॥మఱి॥ |
కీర్తన విభాగము ఆంగ్లము తెలుగు తెలుగులిపిలేదు