Bhimalapuram.co.in
అన్నమాచార్య కీర్తనలు -12251
మాకేలయ్యా ఇంత నీతో మారుకొనను
రాగము: పాడి
మాకేలయ్యా ఇంత నీతో మారుకొనను | |
చేకొని ఇట్టె అందాలు సేసుకొంట గాక | ॥పల్లవి॥ |
చెక్కులపై చెమటలు చిగిరింపుఁ బలకలు | |
యెక్కడి వనెడిగితే నేమందువొ | |
ముక్కున నిట్టూరుపులు ముంచిన మోముకళలు | |
నెక్కొనె నీకనియంటే నీచిత్త మెట్టుండునో | ॥మాకే॥ |
కనుఁగొనల నిద్రలు కాయముపై యలపులు | |
ఘనమాయనంటే నెంత కాఁతాళింతువో | |
వెనుకొన్న సన్నలును వేవేలు తమకములు | |
పెనగొనీనంటే యెంత బీరములాడుదువో | ॥మాకే॥ |
పెదవిపై వసివాడు పిక్కటిలుఁ బరాకులు | |
యిదివోయని చూపితే నెంత మెత్తువో | |
అదన శ్రీవేంకటేశ అట్టె నన్నుఁ గూడితివి | |
కదిసి గరిసించితే కైవస మెట్టౌదువో | ॥మాకే॥ |
కీర్తన విభాగము ఆంగ్లము తెలుగు తెలుగులిపిలేదు