Bhimalapuram.co.in
అన్నమాచార్య కీర్తనలు -12447
మిక్కిలి నేరుపరివి మేలు మేలోయి
రాగము: ఆహిరి
మిక్కిలి నేరుపరివి మేలు మేలోయి | |
గుక్కని వలపుల వో కోన చెన్నరాయఁడా | ॥పల్లవి॥ |
గారవించి నామనసు కరఁగించ వచ్చేవు | |
వారకపు వలపుల దేవరవు గావా | |
పేరడి నీపెనపుల ప్రియములనె నన్ను | |
కూరిమి గొసరెటి వో కోన చెన్నరాయఁడా | ॥మిక్కిలి॥ |
మెచ్చి మెచ్చి నాతో నమ్మికమాఁట లాడేవు | |
తచ్చన వినయాల యాతఁడవు గావా | |
ముచ్చట నీజాణతనములనె నామీఁద గుది | |
గుచ్చేవు మాయ లెల్లాఁ గోన చెన్నరాయఁడా | ॥మిక్కిలి॥ |
యెన్నికసరసాల నా కిచ్చకాలు సేసేవు | |
కన్నెవలపు వేడుకకాఁడవు గావా | |
నన్ను నిట్టె శ్రీవెంకటనాథుఁడ కూడితివి | |
కొన్నదె కో లిఁక నీకుఁ గోన చెన్నరాయఁడా. | ॥మిక్కిలి॥ |
కీర్తన విభాగము ఆంగ్లము తెలుగు తెలుగులిపిలేదు