Bhimalapuram.co.in
అన్నమాచార్య కీర్తనలు -12493
మీరు నేరుతురు మీఁద మిక్కిలి గలితే
రాగము: సామంతం
మీరు నేరుతురు మీఁద మిక్కిలి గలితే | |
వారివీరి నడిగితే వంకలొత్తేరా | ॥పల్లవి॥ |
చెప్పరాని చేఁతకు మీచిత్తములే గురిగాక | |
ఇప్పుడు మాకేల పెట్టి రింతేశానలు | |
తప్పులు దిద్దేమా మిమ్ము దండనుండేచెలులము | |
ముప్పిరి వేఁడుకొంటానే మొక్కేవారము | ॥మీరే॥ |
గుట్టుతో మీపంతాలకు కొనగోళ్లే గురిగాక | |
బెట్టి మమ్మేల తోడుగాఁ బిలిచేరు | |
రట్టుసేసేమా మిమ్ము రచ్చల నిచ్చకులము | |
చుట్టపువరుసలే చూపేవారము | ॥మీరే॥ |
నిండుమీకాఁగిళ్లకు నేరుపులే గురిగాక | |
దండివూడిగేలమాతోఁ దలపోఁతురా | |
కొండలశ్రీవేంకటేశ కోమలిఁ గూడితి విట్టె | |
మెండుతీసేయా మిమ్ము మెచ్చేవారము | ॥మీరే॥ |
కీర్తన విభాగము ఆంగ్లము తెలుగు తెలుగులిపిలేదు