Bhimalapuram.co.in
అన్నమాచార్య కీర్తనలు -12543
కర్త :: తాళ్లపాక అన్నమాచార్య
రాగము: నాదరామక్రియ
మునిముచ్చు వలపుల ముసగస లేమిటికి | |
పెనఁగి యచ్చమై యిట్టె బెరయఁగరాదా | ॥పల్లవి॥ |
సందడి గొలువు సేసి సన్నలు మోవినే చూపి | |
చిందుకొనేవు చెమట చెక్కులవెంట | |
పొందు లింత గలిగితే బోరున సేసలు చల్లి | |
పెందలకాడే నీవూఁ బెండ్లాడరాదా | ॥॥ |
చిఱునవ్వు నవ్వుతాను సిగ్గులువడుకొంటాను | |
కఱఁగేవు లోలోనే కాంతునిఁ జూచి | |
మొఱగుఁలింత నీకేల మోహించినదానవైతే | |
మెఱసి కాలుదొక్కి మేలమాడరాదా | ॥॥ |
పేరటాలపై వచ్చి బిగ్గెఁ బసవు నలఁచి | |
కోరి చన్నులనొరసుకొనే వాతని | |
యీరీతి శ్రీవేంకటేశుఁడే నల మేలుమంగను | |
చేరి నన్ను గూడె నీవూ సేవ సేయరాదా | ॥॥ |
కీర్తన విభాగము ఆంగ్లము తెలుగు తెలుగులిపిలేదు