Bhimalapuram.co.in
అన్నమాచార్య కీర్తనలు -12546
మునుకొన్న సిగ్గులతో మోము వంచ నేమిటికే
రాగము: ముఖారి
మునుకొన్న సిగ్గులతో మోము వంచ నేమిటికే | |
దిన దిన భోగముల తెప్పఁదేలగదే | ॥పల్లవి॥ |
చెలుములు సేయఁగానే చిగిరించు మోహములు | |
పలుకులవల్లఁ గొంత పదనెక్కును | |
సెలవుల నవ్వులను చిత్తములు గరఁగును | |
కొలువులు సేసి పతిఁ గొసరఁగఁగదవే | ॥మును॥ |
సరసము లాడఁగానే చవులెల్లా నుప్పతిలు | |
మరిగించుకొంటేను మర్మము లంటు | |
సరి నెదురు చూపుల జడిగొను వేడుకలు | |
బెరసి విభుని రతిఁ బెడరేఁచఁగదవే | ॥మును॥ |
చన్నుల నొరయఁగానే సంతోసా లొనఁగూడు | |
సన్నలా చాయలనే యాసలు వుట్టును | |
ఇన్నిటా శ్రీవేంకటేశుఁ డిట్టె వచ్చి నిన్నుఁ గూడె | |
పన్నుక యీతని నెడవాయకుండఁగదవే | ॥మును॥ |
కీర్తన విభాగము ఆంగ్లము తెలుగు తెలుగులిపిలేదు