Bhimalapuram.co.in
అన్నమాచార్య కీర్తనలు -12570
ముందటికి వెనకకు మొక్కేము నీకు
రాగము: దేసాళం
ముందటికి వెనకకు మొక్కేము నీకు | |
కందువ లన్నియు నీవె కనుకొమ్మీ యిఁకను | ॥పల్లవి॥ |
యిచ్చక మాడితి నేఁడు యింటికి నీవు రాఁగాను | |
కొచ్చి నిన్న రాకుండఁగఁ గొసరితిని | |
బచ్చెన వేఁడివలపు పచ్చి దోఁచి చిగురాయ | |
తచ్చి తొల్లిటియలుక తలఁచకు మిఁకను | ॥మంద॥ |
కమ్మి నీవు చూడఁగాను కాను కిచ్చితి విప్పుడు | |
తమ్మిని వేసితిఁ దొల్లి తల వంచఁగా | |
వుమ్మగిలి నాసరస మొగ రెక్కి నిండఁ బూచె | |
దిమ్ము రేఁగినచలము తిప్పుకోకు మిఁకను | ॥ముంద॥ |
గక్కన నీవు గూడఁగ గాఁగిలించుకొంటి నిట్టె | |
మెక్కలాన నల్లప్పుడు మొరఁగితిని | |
చిక్కన య్యనును నాయఁ జిత్తము శ్రీవెంకటేశ | |
నిక్కి నీకపటములు నెరపకు మిఁకను | ॥ముంద॥ |
కీర్తన విభాగము ఆంగ్లము తెలుగు తెలుగులిపిలేదు