Bhimalapuram.co.in
అన్నమాచార్య కీర్తనలు -12627
మెచ్చితి మప్పుడే నీకు మిక్కిలి మోహించితిమి
రాగము: దేవగాంధారి
మెచ్చితి మప్పుడే నీకు మిక్కిలి మోహించితిమి | |
హెచ్చె నీ సింగారాలు యెక్కడ చూచినను | ॥పల్లవి॥ |
అరిదిచెక్కులమీఁది యంగనకస్తూరివూఁత | |
కరఁగి నీచెంపలపై కారివుండఁగా | |
దొరతనాలు సేసేవు తొయ్యలులలోననెల్లా | |
యిరవాయ నీయెమ్మె యేమిచెప్పేది | ॥మెచ్చి॥ |
కోమలిగుబ్బలమీఁదికుంకుమగందపుఁబూఁత | |
ఆముకొని నీవురాన నంటివుండఁగా | |
సాముసేసేవానివలె సతులకుఁజూపేవు | |
నే మెఱఁగమా నీవు నెరజాణవౌట | ॥మెచ్చి॥ |
పొలఁతిమైనలఁదినపొడికప్పురపుపూఁత | |
నెలకొని రతివేల నీపై నంటఁగా | |
కొలువులో మాకుఁ జూపి కూడితివి మమ్మిందరి | |
తలఁచమా శ్రీవేంకటోత్తమనీమహిమలు | ॥మెచ్చి॥ |
కీర్తన విభాగము ఆంగ్లము తెలుగు తెలుగులిపిలేదు