Bhimalapuram.co.in
అన్నమాచార్య కీర్తనలు -12697
మేలు గలితే నిందుకు మెచ్చవద్దా నీవిట్టె
రాగము: ఆహిరి
మేలు గలితే నిందుకు మెచ్చవద్దా నీవిట్టె | |
యీ లేమతో జాణతనా లెంతాశాడేవయ్యా | ॥పల్లవి॥ |
కలికితనాలనే కరఁగించె నీమనసు | |
చిలుకుఁ జూపుల నిన్నుఁ జిమ్మిరేఁచెను | |
నిలువుఁ గొలుపు సేసి నిన్ను మరిగించుకొనె | |
చెలితో నీవెట్టు సాముసేసేవయ్యా | ॥మేలు॥ |
నవ్వుతానే నీతోడ ననుపులు సేసుకొనె | |
వువ్విళ్ళూర మాఁటాడి వొడఁబరచె | |
వివ్వటిల్లఁ గళలంటి నిన్ను నిట్టె దక్కఁగొనె | |
జవ్వని నీవెటువలె సాదించేవయ్యా | ॥మేలు॥ |
చుట్టరికముననే చొక్కులఁ బెట్టె నిన్ను | |
గుట్టుతోనే రప్పించుకొనె నింటికి | |
గట్టిగా శ్రీవేంకటేశ కందువఁ బెండ్లాడె నీతో | |
నిట్టి యలమేలుమంగ నెట్టు గెలిచేవయ్యా | ॥మేలు॥ |
కీర్తన విభాగము ఆంగ్లము తెలుగు తెలుగులిపిలేదు