Bhimalapuram.co.in
అన్నమాచార్య కీర్తనలు -12698
మేలు గలంతాను మెరసేను
రాగము: సింధురామక్రియ
మేలు గలంతాను మెరసేను | |
తాలిమితో నిట్టే మా దండకు రావయ్యా | ॥పల్లవి॥ |
మనసొక్కటాయ నింక మామాట వింటివి | |
ననుపై నాసెలవికి నవ్వువచ్చెను | |
చెనకఁగానే నాకు చేయి మీఁదాయ నేఁడు | |
తనిసితి మింకాను మాదండకు రావయ్యా | ॥మేలు॥ |
చలమెల్ల నీడేరె చనవు మాకిచ్చితివి | |
కళలు నా మోమునఁ గడు నిండెను | |
కొలువులో నుండఁగానే కూటములు దైవారె | |
తలకొని యిపుడు మాదండకు రావయ్యా | ॥మేలు॥ |
నిండెను సంతోసము నెమ్మది నన్నేలితివి | |
మెండుగ శ్రీవేంకటేశ మెచ్చితి నిన్ను | |
పండుమోవితేనెతోనే ఫలమందె రతులెల్లా | |
దండియై యున్నాఁడవు మాదండకు రావయ్యా | ॥మేలు॥ |
కీర్తన విభాగము ఆంగ్లము తెలుగు తెలుగులిపిలేదు