Bhimalapuram.co.in
అన్నమాచార్య కీర్తనలు -12723
మేలు మేలు దొరవౌదు మెస్తిరా నిన్ను
రాగము: మాళవిగౌళ
మేలు మేలు దొరవౌదు మెస్తిరా నిన్ను | |
తాలి మింత లేకున్న తగుదువా మాకును | ॥పల్లవి॥ |
చేరి నే దూరితే నీవు సెలవినే నవ్వుదువు | |
వేరెవెంగె మాడితేను వేడుకొందువు | |
వోరు పింత లేకున్న నూరఁగల గొల్లెతలు | |
వారికివారే వలచి వత్తురా నీకును | ॥మేలు॥ |
కన్నుల నే జంకించితే కడుఁ జేత మొక్కుదువు | |
పన్ని నేఁదిట్టితే నన్నుఁ జాలార్చేవు | |
అన్నేసి నేరకున్న నసుర కామినులెల్ల | |
చిన్ని నీమాటల కెల్లఁ జిక్కుదురా నాఁడు | ॥మేలు॥ |
వొద్దని నే నలిగితే నొడివట్టి పెనఁగుదు | |
గద్దించితే నట్టె నన్నుఁ గాఁగిలింతువు | |
వుద్దండ మింత లేకున్న నొగి నిందిరయు భూమి | |
యిద్దరు శ్రీ వేంకటేశ యెనతురా నిన్నును | ॥మేలు॥ |
కీర్తన విభాగము ఆంగ్లము తెలుగు తెలుగులిపిలేదు