Bhimalapuram.co.in
అన్నమాచార్య కీర్తనలు -12724
కర్త :: తాళ్లపాక అన్నమాచార్య
రాగము: బౌళి
మేలు మేలు నీ కతలు మెచ్చితిమయ్యా | |
యేలుకొంటి విందరిని యెంతవాఁడవయ్యా | ॥పల్లవి॥ |
చల్లువెడమాట లాడి సతులవలపులెల్ల | |
కొల్లగాఁ గలయఁ బెట్టి ఆలు గుంపు సేసేవు | |
అల్లి బిల్లి సేసి కూడి ఆలు మోపులుగట్టి | |
యెల్లవారిమీఁద వేసే వెంతవాఁడవయ్యా | ॥॥ |
వాడికనవ్వులు నవ్వి వనితల మానములు | |
కూడపెట్టి లోలోనే గుది గుచ్చేవు | |
యీడుజోడుగాఁ బెనఁగి యింపులు మచ్చులువేసి | |
యీడేరించితివి మమ్ము నెంతవాఁడవయ్యా | ॥॥ |
మోవితీపులు మరపి ముదితల జవ్వనాలు | |
భావముల వడివెట్టి పచ్చిరేఁచేవు | |
శ్రీ వేంకటేశ నాపై సిగ్గులు నానఁబెట్టి | |
యీవల నన్నుఁగూడితి వెంతవాఁడవయ్యా | ॥॥ |
కీర్తన విభాగము ఆంగ్లము తెలుగు తెలుగులిపిలేదు