Bhimalapuram.co.in
అన్నమాచార్య కీర్తనలు -12793
మొకము చూచుటే మొక్కుటే చాలు
రాగము: తెలుఁగుఁగాంబోది
మొకము చూచుటే మొక్కుటే చాలు | |
యెకసక్కెమాయఁ బని యేలరా యీ దోసము | ॥పల్లవి॥ |
వట్టిపను లెల్లఁజెప్పి వద్దివారి నెల్ల నంపి | |
వొట్టుక నన్నుఁ జెనకే వోరీ నీవు | |
గట్టిగా నావూళిగపుకాంతల నంటితివట | |
యిట్టె నన్నుఁ బైకోనేవు యిఁక వొద్దు దోసము | ॥మొక॥ |
యేకతాలు గడియించి ఇంటిలోనికిఁ బిలిచి | |
యీకడ నన్ను బోదించే వేరా నీవు | |
ఆకుమడి చిచ్చేటిఅంగన నంటితివట | |
నీకు నాకు నింతచాలు నిలు నిలు దోసము | ॥మొక॥ |
అలసితి నని వచ్చి అంగము పై వేసేవు | |
చెలఁగి కాఁగిలించేవు చెల్లురా నీవు | |
బలిమి నన్నుఁ గూడితివి పంతపు శ్రీవేంకటేశ | |
తొలఁగి కిమ్ముల పొందు తొడుకకు దోసము | ॥మొక॥ |
కీర్తన విభాగము ఆంగ్లము తెలుగు తెలుగులిపిలేదు