Bhimalapuram.co.in
అన్నమాచార్య కీర్తనలు -12876
మంకుఁదన మేమిటికి మగువలకు
రాగము: వరాళి
మంకుఁదన మేమిటికి మగువలకు | |
అంకెకు వచ్చి యిచ్చకమాడరాదా యిపుడు | ॥పల్లవి॥ |
నేటిపతితో మాకు నగక వుండితేను | |
యెగసక్కెమై వుండదా యెవ్వరికైనా | |
వెగటేమి గలిగినా వెనక సాదింతుగాని | |
మొగము చూపి చేయెత్తి మొక్కరాదా యిపుడు | ॥మంకుఁ॥ |
పలుమారుఁ బిలువఁగఁ బలుకకవుండితేను | |
అలిగినట్టుండదా అందరికిని | |
మలసి నీచలమెల్లా మాపు చూపుదువుగాని | |
యెలమిఁ జేతికి వీడెమియ్యరాదా యిపుడు | ॥మంకుఁ॥ |
ఆతఁడు గాఁగిలించఁగా నట్టె కాఁగిలించకుంటే | |
యేతులని యెంచరా యింతులెల్లాను | |
యీతల శ్రీవేంకటేశు నింకాఁ గూడుదువుగాని | |
చేతనైనపాటి సేవసేయరాదా యిపుడు | ॥మంకుఁ॥ |
కీర్తన విభాగము ఆంగ్లము తెలుగు తెలుగులిపిలేదు