Bhimalapuram.co.in
అన్నమాచార్య కీర్తనలు -13016
యెట్టు సేసినాఁ జేయనీ ఇఁకఁ దన చిత్తము
రాగము: బౌళి
యెట్టు సేసినాఁ జేయనీ ఇఁకఁ దన చిత్తము | |
ఇట్టిదని రమణుని కెఱిఁగించరే | ॥పల్లవి॥ |
ముచ్చటెంతైనాఁ దీరచు మోహము గల వారికి | |
మచ్చికతో సారె సారె మాట లాడినా | |
వచ్చిరాని పద్యములె నుండు నడియాస | |
కొచ్చి కొచ్చి యెంతేసి కొసరినాను | ॥॥ |
తని వేమిటాఁ బొందదు తమకించేవారికి | |
పెనఁగి పెనఁగి యెంత ప్రియపడినా | |
వినియు వినని మాట విధమై యుండుఁ దలఁపు | |
కనుఁ గొని యెదుటనే కాచుకుండినాను | ॥॥ |
తగు లెంతైనాఁ బాయదు తతిఁ గూడిన వారికి | |
నగి యెటువలె గోరు నాటించినాను | |
తగ శ్రీ వేంకటేశుఁడు తానే వచ్చి నన్నుఁగూడె | |
చిగురుఁ జేగై వుండు చిమ్మి రేఁచినానూ | ॥॥ |
కీర్తన విభాగము ఆంగ్లము తెలుగు తెలుగులిపిలేదు