Bhimalapuram.co.in
అన్నమాచార్య కీర్తనలు -13049
యెంత కుచ్చితురాలంటా నేల నన్ను దూరేవు నీ-
రాగము: ముఖారి
యెంత కుచ్చితురాలంటా నేల నన్ను దూరేవు నీ- | |
చెంత నాకె వుండఁగాను సిగ్గుపడవలదా | ॥పల్లవి॥ |
ఆకె నీవు నేకతము లాడుకొంటా నుండఁగాను | |
నాకిటను నిలుచుండవద్దా నాకు | |
చేకొని మీలో మీరు చేసన్నలు నేసుకోఁగా | |
దాకొని పరాకు సేయఁదగవు గాదా | ॥॥ |
చాయల నాకె నీవు సారె మొగాలు చూడఁగా | |
చేయి మాఁదువెట్టు కోను చెల్లదా నాకు | |
పాయక మీ రిద్దరును పచ్చడము గప్పుకోఁగా | |
యీ యెడ నే జూజమాడే దితవే కాదా | ॥॥ |
అలమేలుమంగ వురమందు నీకు నుండఁగాను | |
తలవంచుకొని మొక్కవలెఁగా నాకు | |
యెలమి శ్రీ వేంకటేశ యేలితిరి మీరిద్దరు | |
వెలయ మిమ్ముఁ గొలువ వేడుకే కాదా | ॥॥ |
కీర్తన విభాగము ఆంగ్లము తెలుగు తెలుగులిపిలేదు