Bhimalapuram.co.in
అన్నమాచార్య కీర్తనలు -13054
యెంతటి నేరుపరివి యేమని పొగడవచ్చు
రాగము: పూర్వగౌళ
యెంతటి నేరుపరివి యేమని పొగడవచ్చు | |
వింత నీ సుద్దులు చూచి వేడుకాయ నాకును | ॥పల్లవి॥ |
చనవిచ్చి నీవు మోవి చవులు చూపఁగాను | |
తనివిఁ బొందె నాతలఁ పెల్లను | |
మునుకొని నీవు నామొగమై నిలువఁగాను | |
పెనగొన్న సంతోసము పెడరేఁగె నాకును | ॥॥ |
పక్కన నీవు నాకు బాగా లొసగఁగాను | |
యిక్కువలు గరఁగను ఇంతలోనె | |
చెక్కు నొక్కి నీవు నన్ను సిగ్గులు దేరుచఁగాను | |
నెక్కొన్న కోరికలు నెరవేరె నాకును | ॥॥ |
కందువ నుండినన్నుఁ గౌఁగిలించుకొనఁగాను | |
చిందె నా సెలవులనుఁ జిరునవ్వులు | |
యిందునే శ్రీ వేంకటేశ యే నలమేలుమంగను | |
పొందితివి రతుల నీభోగ మబ్బె నాకును | ॥॥ |
కీర్తన విభాగము ఆంగ్లము తెలుగు తెలుగులిపిలేదు