Bhimalapuram.co.in
అన్నమాచార్య కీర్తనలు -13181
రమ్మనవే యిఁకనేల రవ్వసేయక
రాగము: మాళవిగౌళ
రమ్మనవే యిఁకనేల రవ్వసేయక | |
పమ్ముకొన్న తమకము పారిపోవనిచ్చునా | ॥పల్లవి॥ |
తనియని నా మనసు తనుఁ గోరకుండునా | |
చెనకి నా ప్రియములు చేకొనుఁగాక | |
మునుకొన్న చూపులు మోము చూడకుండునా | |
యెనసి నా చేఁతలకు నియ్యకొనుఁగాక | ॥రమ్మ॥ |
కోమలపు నా వయసు కొంగు వట్టించకుండునా | |
దీమసానఁ గూడ సమ్మతించుఁగాక | |
దోమటి నా వలపులు తొలఁగఁగ నిచ్చునా | |
నా మాటలు దోయక నన్ను నేలుఁగాక | ॥రమ్మ॥ |
కందువ నావలపులు కలయఁబెట్టకుండునా | |
ఇందరిలో నాకుఁ జనవిచ్చుఁగాక | |
పొందులు శ్రీవేంకటేశుఁ బొనుఁగఁగ నిచ్చునా | |
చెందె నన్ను నిఁక నిట్టె చెలఁగించుఁగాక | ॥రమ్మ॥ |
కీర్తన విభాగము ఆంగ్లము తెలుగు తెలుగులిపిలేదు