Bhimalapuram.co.in
అన్నమాచార్య కీర్తనలు -13228
రామా రామా రాజీవనయనా
రాగము: ఆహిరినాట
రామా రామా రాజీవనయనా | |
కామించి నినుఁ జూచె గక్కన మా చెలియ | ॥పల్లవి॥ |
యింతి పిలువనంపె నెడమాటలేలా | |
యింతలో విచ్చేయు ఎన్నికగాక | |
చెంత నిందులకుఁగా సెలవి నవ్వేలా | |
పంతముతో నాకెఁ బాలింతు గాక | ॥రామా॥ |
తరుణి పూవుల వేసె తలవంచనేలా | |
సరినీవు మోహమే చల్లుదుగాక | |
నిరతి నిందుకుఁగా నివ్వెరగేలా | |
మరిగి యాకెను నీవే మన్నింతుగాక | ॥రామా॥ |
మగువ కాఁగిటఁ గూడె మరి సిగ్గులేలా | |
వెగటురతుల విఱ్ఱమీఁగుదుగాక | |
వగల శ్రీ వేంకటేశ వావిలిపాటిరామ | |
మిగుల సీతతో మెఱుతువుగాక | ॥రామా॥ |
కీర్తన విభాగము ఆంగ్లము తెలుగు తెలుగులిపిలేదు