Bhimalapuram.co.in
అన్నమాచార్య కీర్తనలు -13374
వట్టి జోలిఁ బొరలేవు వద్దన్నా మానవు
రాగము: ఆహిరి
వట్టి జోలిఁ బొరలేవు వద్దన్నా మానవు | |
వొట్టు కొకరి సొమ్ము వేరొకరికి దక్కునా | ॥పల్లవి॥ |
చక్కనిదాన వౌదువు జాణతనాలు నేర్తువు | |
ముక్కరఁ వెట్టుకుంటివి మోము చూచేవు | |
నెక్కొన్న నారమణుఁడు నీయెలయింపులకు | |
చిక్కఁడు గాని నీచేఁతలకు మెచ్చును | ॥వట్టి॥ |
చుట్టమవు నౌదువు చొక్కులఁబెట్టాఁగలవు | |
యిట్టె సింగారించుకొంటి వీతనెదుట | |
గుట్టుతోడ నావిభుఁడు కోరి యిందుకు నిన్నుఁ జే- | |
పట్టఁడుగాని నీపగటులు మెచ్చును | ॥వట్టి॥ |
మేలుదానవు నౌదువు మెప్పించా నీచేతనౌను | |
వేళ గాచుకుందానవు వెస మొక్కేవు | |
యేలె నన్ను శ్రీవేంకటేశుఁ డలమేల్మంగను | |
నీలోనుగాఁడుగాని నీబత్తికి మెచ్చును | ॥వట్టి॥ |
కీర్తన విభాగము ఆంగ్లము తెలుగు తెలుగులిపిలేదు