Bhimalapuram.co.in
అన్నమాచార్య కీర్తనలు -13388
వట్టిపరాకులు సేయవద్దు నీకు నిఁకనేల
రాగము: బౌళి
వట్టిపరాకులు సేయవద్దు నీకు నిఁకనేల | |
గుట్టు నే మెఱుఁగుదుము కొంక నీకేఁటికిని | ॥పల్లవి॥ |
వేసరక వూడిగాలు వేమరుఁ జేసీ నీకె | |
పూసగుచ్చినట్టు నీకు బుద్ది చెప్పీని | |
వాసులువంతు లెంచక వద్దనే కాచుకున్నది | |
నీసము కాన నదిగో నెలఁతఁ జూడరాదా | ॥వట్టి॥ |
కైవసము సేసుకొని కన్నుల నిన్ను నవ్వీని | |
వావులు నీతోఁ జెప్పి వలపించీని | |
పూవులు ముడిచి నీతో పొందులు నటించీని | |
దేవులాయ విన్నిటాను తెరవేసుకోరాదా | ॥వట్టి॥ |
పానుపుపైఁ గూచుండి పాదాలు విసికీని | |
మేనిపై గందము వూసీ మెల్లనే తాను | |
ఆనుక శ్రీవేంకటేశ అలమేలు మంగ యీకె | |
పూని నిన్నుఁ గాఁగిలించె పొగడఁగరాదా | ॥వట్టి॥ |
కీర్తన విభాగము ఆంగ్లము తెలుగు తెలుగులిపిలేదు