Bhimalapuram.co.in
అన్నమాచార్య కీర్తనలు -13463
వద్దన్న మానవైతి వాని నిట్టె చెనకితి
రాగము: రామక్రియ
వద్దన్న మానవైతి వాని నిట్టె చెనకితి | |
చద్దిజగడాలు నేఁడు సరివచ్చె గా | ॥పల్లవి॥ |
అప్పుడే నే నంటిఁగా ఆతని మన మేమన్న | |
చెప్పినవారినే తిట్టి చెనకీ నని | |
తప్పు తనవొళ్ళఁ గలా తగ దన్నవారి నెల్లా | |
దెప్పదాన నాయాలకుఁ దీసీనని | ॥వద్దన్న॥ |
తారుకాణ వద్దంటిఁగా తానే వాఁడు కల్లకైనా | |
కోరి నాపై నాన వెట్టుకొనీ నని | |
దారి దప్పక వుండినా తనమాటె గెల్చుదాఁకా | |
పొరి పొరి యాడనైనా బొంకీ నని | ॥వద్దన్న॥ |
కోపగించకు మంటిఁగా గుఱియై నిలిచితేనే | |
చేపట్టి వాడఁ బలిమి సేసీ నని | |
యేపున శ్రీవేంకటేశుఁడెందుబో నిక కూడె | |
యేపొద్దూఁ బాయ మింక నిద్దరము నొక్కటే | ॥వద్దన్న॥ |
కీర్తన విభాగము ఆంగ్లము తెలుగు తెలుగులిపిలేదు