Bhimalapuram.co.in
అన్నమాచార్య కీర్తనలు -13489
వద్దువద్దు నీకేల వట్టివాసులు
రాగము: గౌళ
వద్దువద్దు నీకేల వట్టివాసులు | |
తిద్దే నేను నీయందు తీరని కడమలు | ॥పల్లవి॥ |
అంగన నీతోనాడిన అప్పటిమాటలకా | |
చుంగులువారఁగఁ దలఁచుక నవ్వేవు | |
యెంగిలి సేసిన మోవి యింపుల చేఁతలకా | |
సింగారపుఁగళలతో శిరసువంచేవు | ॥వద్దు॥ |
చెలి నీపై వినోదాన చేయి వేసినందుకా | |
వెలలేని వుబ్బుల నివ్వెర గందేవు | |
చలముతో బొమ్మలను జమకించి నందుకా | |
చిలుకుఁ గాఁకలు దేర చెమరించేవు | ॥వద్దు॥ |
కాంత నిన్నందరిలో కాఁగిలించినందుకా | |
పంతపుమాట లాడుచు బయలీఁదేవు | |
యింతలో శ్రీ వేంకటేశ యే నిన్నుఁ గూడినందుకా | |
మంతనానఁ బవ్వళించి మనసు చూచేవు | ॥వద్దు॥ |
కీర్తన విభాగము ఆంగ్లము తెలుగు తెలుగులిపిలేదు