Bhimalapuram.co.in
అన్నమాచార్య కీర్తనలు -13576
వలపు కొలఁది గాదు వద్దు వద్దయ్యా
రాగము: శుద్ధవసంతం
వలపు కొలఁది గాదు వద్దు వద్దయ్యా | |
చెలి కోపగించుకొంటే సేసేదేమయ్యా | ॥పల్లవి॥ |
వూడిగపుదాన నన్ను నొడివట్టి తీసేవు | |
యీడ నీపట్టిపుదేవి యేమి సేసునో | |
వేడుక యీవేళనైతే వెనక నాపె చిక్కించుఁ | |
కేడనైనాఁ బరచఁగ నేమిసేసేవయ్యా | ॥వలప॥ |
దూతికె నింతే నేను తొడికేవు నాచన్నులు | |
కాతరించి నన్నెంత నీకాంత దూరునో | |
యేతులిప్పుడు సేసితే నింటికాడ వచ్చి యాపె | |
చేతులు చాఁచవచ్చితే చేరి యేమందునయ్యా | ॥వలప॥ |
పరిచారకపుదానఁ బైకొని నన్నేలితివి | |
యిరవైనమగువ నన్నెట్టు నవ్వునో | |
సరుస శ్రీవేంకటేశ చలివాసి యిఁక నాపె | |
గరిసించితే మరి గతి నీవే అయ్యా | ॥వలప॥ |
కీర్తన విభాగము ఆంగ్లము తెలుగు తెలుగులిపిలేదు