Bhimalapuram.co.in
అన్నమాచార్య కీర్తనలు -13680
వారిదే పో జన్మము వడి నిన్నుఁ దెచ్చిరి
రాగము: దేసాళం
వారిదే పో జన్మము వడి నిన్నుఁ దెచ్చిరి | |
భారతరామాయణాలై పరగె నీకథలు | ॥పల్లవి॥ |
భువిమీఁద రావణుఁడు పుట్టగాఁగా రాముఁడవై | |
తవిలి యిందరికిఁ బ్రత్యక్షమైతివి | |
వివరింప నంతవాఁడు వెలసితేఁగా నీవు | |
అవతార మందితే నిన్నందరునుఁ జూతురు | ॥వారి॥ |
రమణఁ గంసాది యసురలు లూటి సేయఁగాఁగా | |
తమిఁ గృష్ణావతార మిందరి కైతివి | |
గములై యంతటివారు గలిగితేఁగా నీవు నేఁడు | |
అమర జనించి మాటలాడుదు విందరితో | ॥వారి॥ |
యెంత వుపకారియో హిరణ్యకశిపుఁడు | |
చెంత నరసింహుఁడ నీసేవ యిచ్చెను | |
యింతట శ్రీవేంకటేశ యిన్ని రూపులును నీవే | |
పంతాన నీశరణని బ్రదికితి మిదివో | ॥వారి॥ |
కీర్తన విభాగము ఆంగ్లము తెలుగు తెలుగులిపిలేదు