Bhimalapuram.co.in
అన్నమాచార్య కీర్తనలు -13706
వాఁడి గలవాఁడ వౌత వడి నే మెఱుఁగుదుము
రాగము: సామంతం
వాఁడి గలవాఁడ వౌత వడి నే మెఱుఁగుదుము | |
వేఁడిమి దుష్టులమీఁద విసరంగ రాదా | ॥పల్లవి॥ |
వోప నంటాఁ బెనఁగితే నుడికి తిట్ట వచ్చేవు | |
ఆపనికే యెంత కెంత ఔరా నీవు | |
కోపము గలిగితేను గురిఁ బగవారిమీఁదఁ | |
జూప రాదా యీడ నేల చూపేవు నీవు | ॥వాడి॥ |
తనిసినవారిమీఁదఁ దగఁ జేతులు చాఁచేవు | |
యెన లేనికాఁకతోడ నేరానీవు | |
మొన చూప వలసితే ముంచి నీకు నెదిరించి | |
చెనకెటివారపైనే చేఁత సేయ రాదా | ॥వాడి॥ |
పొలసి నంతటిలోనె పొదిగి నన్నుఁ గూడితి | |
మెలుపు శ్రీవెంకటేశ మేలురా నీవు | |
బలిమి నీకుఁ గలితే పౌఁజులమీఁద నురికి | |
వలసినట్టు మెరయ వద్దనేనా నేను | ॥వాడి॥ |
కీర్తన విభాగము ఆంగ్లము తెలుగు తెలుగులిపిలేదు