Bhimalapuram.co.in
అన్నమాచార్య కీర్తనలు -13724
విచారపరులాల వివేకులాల
రాగము: లలిత
విచారపరులాల వివేకులాల | |
పచరించి తెలిసి యా పగిది నడువుఁడీ | ॥పల్లవి॥ |
చేసినపుణ్యమువల్ల చెలఁగి దేవత లైరి | |
ఆసరిఁ బాపమువల్ల నసుర లైరి | |
దాసరితనమువల్లఁ దగ నారదాదులైరి | |
వాసి నిందెవ్వ రెక్కుడొ వడి నెంచు కొనుఁడీ | ॥విచార॥ |
ఘనరాజసగుణాన కలుగు నిహలోకము | |
అనిశముఁ దామసాన నధోగతి | |
మొనసి సాత్త్వికమున మోక్షము సిద్ధించు | |
ననుపమ పదమేదొ అది యెంచుకొనుఁడీ | ॥విచార॥ |
పరగ దేహమూలము ప్రాకృతమయిన మాయ | |
అరాసి యాత్మ నీడేర్చు నలమేల్మంగ | |
సిరుల నంతర్యామి శ్రీవేంకటేశ్వరుఁడు | |
సరి నిందు మీ బ్రదుకుజాడ యెంచుకొనుఁడీ | ॥విచార॥ |
కీర్తన విభాగము ఆంగ్లము తెలుగు తెలుగులిపిలేదు