Bhimalapuram.co.in
అన్నమాచార్య కీర్తనలు -13737
విచారించు హరి నావిన్నప మవధరించు
రాగము: కాంబోది
విచారించు హరి నావిన్నప మవధరించు | |
పచారమే నాది గాని పనులెల్లా నీవే | ॥పల్లవి॥ |
తనువు నా దెందుఁ గాని తనువులో నింద్రియములు | |
అనిశము నాచెప్పినట్టు సేయవు | |
మనసు నాదెందుఁ గాని మర్మము నాయిచ్చ రాదు | |
పనివడి దూరు నాది పరులదే భోగము | ॥విచా॥ |
అలరి నానిద్దుర నాదెందుఁ గాని సుఖమెల్ల | |
కలలోని కాఁపిరాలకతల పాలె | |
తెలివి నాదెందుఁ గాని దినాలు కాలము సొమ్ము | |
యెలమిఁ బేరు నాది యెవ్వరిదో బలువు | ॥విచా॥ |
కర్మము నాదెందుఁ గాని కర్మములో ఫలమెల్ల | |
అర్మిలి నాజన్మముల ఆధీనమె | |
ధర్మపు శ్రీవేంకటేశ దయానిధివి నీవు | |
నిర్మితము నీదింతే నేరుపు నీమాయది | ॥విచా॥ |
కీర్తన విభాగము ఆంగ్లము తెలుగు తెలుగులిపిలేదు