Bhimalapuram.co.in
అన్నమాచార్య కీర్తనలు -14107
వెఱ్ఱి దెలిసి మరియు వేఁదురు దవ్వేము నేము
రాగము: దేసాక్షి
వెఱ్ఱి దెలిసి మరియు వేఁదురు దవ్వేము నేము | |
ముఱ్ఱుఁబాల మంకువాఁడ మూలమా శరణు | ॥పల్లవి॥ |
తోలు నెముకలు ముట్టి దోసమంటాఁ దీర్థమాడి | |
తోలు నెముకల మేనితోడ నున్నాఁడ | |
వాలిన జీవహింస వద్దని చైతన్యముతో | |
తేలించి శాకపాకాల దిగమింగేము | ॥వెఱ్ఱి॥ |
బూతునఁ బుట్టినందుకు పుణ్యములెల్లాఁ జేసి | |
బూతుల సంసారమే భోగించేము | |
పాతకములెల్లాఁ బోను బహుదానము లొసఁగి | |
ఆతల నొరులఁ బోయి అడిగేము నేము | ॥వెఱ్ఱి॥ |
కర్మము లన్నియుఁ దోసి ఘనము క్తిఁ బొందేనంటా | |
కర్మాచరణములే కడుఁ జేసేము | |
నిర్మించి శ్రీవేంకటేశ నేరాలు నన్ను నెంచక | |
ధర్మము దలఁచి నీవే దయఁ జూడవే | ॥వెఱ్ఱి॥ |
కీర్తన విభాగము ఆంగ్లము తెలుగు తెలుగులిపిలేదు