Bhimalapuram.co.in
అన్నమాచార్య కీర్తనలు -14203
వేగిరింతునా యెంత వేసట గలిగినాను
రాగము: గౌళ
వేగిరింతునా యెంత వేసట గలిగినాను | |
చేగదేరితే వలపు చిమ్మి రేఁగీఁగాక | ॥పల్లవి॥ |
యెక్కడనైనాఁ బతి యేమి సేసి వచ్చినాను | |
వెక్కసాలాడవచ్చునా వెలఁదికిని | |
పెక్కులాఁగులఁ బెనఁగి ప్రియములు చెప్పఁగాను | |
మక్కువ నాతఁడే మరి మన్నించీఁగాక | ॥వేగి॥ |
నెట్టన నాతని మేన నిండా గురుతు లుండినా | |
పట్టి చూపవచ్చునా పడఁతికిని | |
గుట్టుతోడనే వుండి కొలువులు సేయఁగాను | |
జట్టిగొని యాతఁడే చనవిచ్చీఁగాక | ॥వేగి॥ |
యెలమి శ్రీ వేంకటేశుఁ డెంత రతిఁ గదిమినా | |
అలఇంచవచ్చునా అంగనకును | |
మెలఁగి నావలెఁ గూడి మేర మీరకుండఁగాను | |
చలువఁగాఁ దానే మోవి చవిచూపీఁగాక | ॥వేగి॥ |
కీర్తన విభాగము ఆంగ్లము తెలుగు తెలుగులిపిలేదు