Bhimalapuram.co.in
అన్నమాచార్య కీర్తనలు -14281
వేవేలకు నొకటే విన్నప మిదే
రాగము: ఆహిరినాట
వేవేలకు నొకటే విన్నప మిదే | |
చేవదేరె వలపులు చిత్తగించవయ్యా | ॥పల్లవి॥ |
వూరనూర నూఁటలాయ నువిదకుఁ జెమటలు | |
కోరికలైతేఁ బెద్దకొండలాయను | |
కారుకొని తమకము గంపలకొలఁదులాయ | |
చేరవచ్చి మగువనుఁ జిత్తగించవయ్యా | ॥వేవే॥ |
చెప్పఁజెప్పఁ గొత్తలాయ చెలిచెక్కిటిచింతలు | |
ముప్పిరిగొన్నయాసలు మోపులాయను | |
కప్పి నీసుద్దులు వినఁగడుఁదరితీపులాయ | |
చిప్పిల మాఁటాడీ యింతిఁ జిత్తగించవయ్యా | ॥వేవే॥ |
చూడఁజూడ సొంపులెక్కె సుదతిమోముకళలు | |
వేడికలైతే వెల్లావిరులాయను | |
యీడనె శ్రీవేంకటేశ యేలితివి మన్నించి | |
చేడె నీకు దేవులాయఁ జిత్తిగించవయ్యా | ॥వేవే॥ |
కీర్తన విభాగము ఆంగ్లము తెలుగు తెలుగులిపిలేదు