Bhimalapuram.co.in
అన్నమాచార్య కీర్తనలు -14294
వేవేలు సతులుగల వేడుకకాఁడవు నీవు
రాగము: భైరవి
వేవేలు సతులుగల వేడుకకాఁడవు నీవు | |
దేవులఁ గనక నీకుఁ దెలిపితిఁ జుమ్మీ | ॥పల్లవి॥ |
మంచిమాఁటలాడితేనే మగువలు చొక్కుదురు | |
పంచనలు సేతురు వలతురు | |
యించుకంత యెడసినా యెలయించి యెఁపినాను | |
కంచుఁబదనులవారు కామినులు సుమ్మీ | ॥వేవే॥ |
చెక్కు నొక్కి వేఁడుకొంటే చెలులు గరఁగుదురు | |
మక్కువఁ గాఁగిలిత్తురు మరుగుదురు | |
కక్కసించి యేలినాను కపటాలు నెరపినా | |
వుక్కబదనులవారు వువిదలు సుమ్మీ | ॥వేవే॥ |
తేజముతో నేలితేనే తెరవలు మొక్కుదురు | |
సాజాన సేవసేతురు సమ్మతింతురు | |
యీజాడ శ్రీవేంకటేశ యేలి తలమేల్మంగను | |
గాజుఁబదనులవారు కాంతులు సుమ్మీ | ॥వేవే॥ |
కీర్తన విభాగము ఆంగ్లము తెలుగు తెలుగులిపిలేదు