Bhimalapuram.co.in
అన్నమాచార్య కీర్తనలు -14433
సడి సన్నయట్టి నెరజాణ నందువు
రాగము: సాళంగం
సడి సన్నయట్టి నెరజాణ నందువు | |
గొడవలు దీరఁ జెలిఁ గూడ రాదా రతుల | ॥పల్లవి॥ |
చిగురుఁబానుపుమీఁదఁ జెలి విరహనఁ బొంది | |
చిగురువంటిచేయి చెక్కునఁ బెట్టి | |
చిగురులోపలిచేగ చిత్తమునఁ బుట్ట దాయ | |
చిగురుఁబోణిని దయ్య నేయ రాదా విభుఁడ | ॥సడి॥ |
పూవులతోఁటలోన పొలఁతి తాపాన నుండి | |
పూవుల మొగ్గుల మేనఁ బులకించెను | |
పూవులలో పూఁపలు పుట్ట వాయ మాటలలో | |
పూవుఁబోణి నీవు గొంత బుజ్జగించ రాదా | ॥సడి॥ |
పండువెన్నెలబయట భామిని యలయుచునుండి | |
పండువంటిమోవివాఁడు బయల వేసె | |
పండుగలు గాఁగ నిట్టె బాపురె శ్రీవెంకటేశ | |
పండుజవ్వనిఁ గూడితి పవ్వళించ రాదా | ॥సడి॥ |
కీర్తన విభాగము ఆంగ్లము తెలుగు తెలుగులిపిలేదు