Bhimalapuram.co.in
అన్నమాచార్య కీర్తనలు -14435
సతతవిరక్తుఁడు సంసారి గాఁడు
రాగము: కన్నడగౌళ
సతతవిరక్తుఁడు సంసారి గాఁడు | |
రతిసమ్మదుఁడు విరక్తుఁడు నితఁడె | ॥పల్లవి॥ |
నిత్యుఁడైనవాఁడు నిఖిలలోకములఁ- | |
బ్రత్యక్షవిభవ సంపన్నుఁడు గాఁడు | |
నిత్యుఁడు నితఁడే నిరుపమానుఁడైన | |
ప్రత్యక్షవిభవ సంపన్నుఁ డితఁడె | ॥సత॥ |
యోగియైనవాఁడు వొనర నేకాలము | |
భోగియై భోగిపై భోగింపలేఁడు | |
యోగియు నితఁడే వుడుగక భోగిపై | |
భోగించునటువంటి పురుషుండు నితఁడె | ॥సత॥ |
దేవుడైనవాఁడుఁ దెలుప లోకముల | |
దేవతారాధ్యుఁడై దీపింపలేఁడు | |
దేవుఁడు నితఁడే దివిజవంద్యుఁడైన | |
శ్రీవేంకటగిరిదేవుండితఁడె | ॥సత॥ |
కీర్తన విభాగము ఆంగ్లము తెలుగు తెలుగులిపిలేదు