Bhimalapuram.co.in
అన్నమాచార్య కీర్తనలు -14552
సాదించనేఁటికి నీవు సారెసారెకు
రాగము: దేసాళం
సాదించనేఁటికి నీవు సారెసారెకు | |
భేదములేక కూడితే పెనఁగులాడేమా | ॥పల్లవి॥ |
చెంగటనుండి నీవు చేసినదెల్లాఁ జేయఁగా | |
అంగనలము మాలో నేమాడుకోరాదా | |
సంగతిగా నీవు తొల్లె సాదువలె నుండితేను | |
పంగించి నిన్నటు భంగపరచవచ్చేమా | ॥సాదిం॥ |
వుడివోనిచిన్నలు నీవొళ్లిమీఁద నుండంగాను | |
నడుమ మాలో నేము నవ్వుకోరాదా | |
సడిలేని గుణముతో చక్కఁగా మెలఁగితేను | |
కొడిమెలు గట్టి నిన్ను కోపగించేమా | ॥సాదిం॥ |
కప్పి యందరివి నీవు కాఁగిలించకూడఁగాను | |
చొప్పులు మాలో నేము చూచుకోరాదా | |
యెప్పుడూ శ్రీవేంకటేశ యెడయక యేలితేను | |
తప్పులెంచి నీసుద్దులు తారుకాణించేమా | ॥సాదిం॥ |
కీర్తన విభాగము ఆంగ్లము తెలుగు తెలుగులిపిలేదు