Bhimalapuram.co.in
అన్నమాచార్య కీర్తనలు -14632
సిగ్గువడి యిందాఁకా చెలువుఁడు నన్ను దూరె
రాగము: లలిత
సిగ్గువడి యిందాఁకా చెలువుఁడు నన్ను దూరె | |
బగ్గన మమ్మింతేసి పచ్చిసేతురా | ॥పల్లవి॥ |
అలవోకగా నీతో నాడుకొన్నమాటలెల్ల | |
వెలయఁగ నాతనితో విన్నవింతురా | |
చెలివంటా నాతనిచేఁత లిటువంటివంటే | |
చలపట్టి యంతలోనే సాదింతురా | ॥సిగ్గు॥ |
నగుతా నాతనిరచనలు నే సందేహించితే | |
సొగసి యాతనిమేను సోదింతురా | |
పగటున నావేళ పంతాలు నే మెరసితే | |
తగవు విడిచి మీరు తమకింతురా | ॥సిగ్గు॥ |
వద్దనుండి నే నాతనివలపులు వొగడితే | |
కొద్దిమీరి వెంగెములు కొనవేతురా | |
వొద్దికై శ్రీవేంకటేశుఁ డున్నతి నన్నుఁ గూడె | |
సుద్దులు తొల్లితి వింతే సూడువట్టుదురా | ॥సిగ్గు॥ |
కీర్తన విభాగము ఆంగ్లము తెలుగు తెలుగులిపిలేదు